ಬ್ರಿಟಿಷ್ ಸೈನ್ಯದಲ್ಲಿ ಸ್ಕಾಟಿಷ್ ಕ್ಯಾಪ್ಟನ್ ಆಗಿದ್ದ ಲ್ಹೌಸಿಯ ಜೇಮ್ಸ್ ರಾಮ್ಸೆ ಮತ್ತು ಕ್ಯಾಥರೀನ್, ನೀ ಟಿಸ್ಡಾಲ್‌ರವರ ಮಗಳಾಗಿ ೧೭೩೦ರಂದು ಜಿಬ್ರಾಲ್ಟರ್‌ನಲ್ಲಿ ಜನಿಸಿದ ಬಾರ್ಬರಾ ಷಾರ್ಲೆಟ್ ನೀ ರಾಮ್ಸೆ ಒಬ್ಬ ಸ್ಕಾಟಿಷ್ ಕಾದಂಬರಿಕಾರ್ತಿ, ನಾಟಕಕಾರ್ತಿ ಮತ್ತು ಕವಿಯತ್ರಿ ಮತ್ತು ಮುಖ್ಯವಾಗಿ ನಟಿ. ಆದರೆ ಇಂದು ಅವರು ಸಾಹಿತ್ಯ ಲೋಕದಲ್ಲಿ ನೆನಪಿರುವುದು ದಿ ಫೀಮೇಲ್ ಕ್ವಿಕ್ಸೋಟ್ ಲೇಖಕಿ ಎಂಬ ಕಾರಣಕ್ಕಾಗಿ ಹಾಗೂ ಮತ್ತು ಸ್ಯಾಮ್ಯುಯೆಲ್ ಜಾನ್ಸನ್ , ಜೋಶುವಾ ರೆನಾಲ್ಡ್ಸ್ ಮತ್ತು ಸ್ಯಾಮ್ಯುಯೆಲ್ ರಿಚರ್ಡ್ಸನ್ ಅವರೊಂದಿಗಿನ ಒಡನಾಟಕ್ಕಾಗಿ .
ಬಾರ್ಬರಾ ಷಾರ್ಲೆಟ್ ನೀ ರಾಮ್ಸೆಯವರ ಬಾಲ್ಯ ಜೀವನದ ಬಗ್ಗೆ ಯಾವುದೇ ಹೆಚ್ಚಿನ ಮಾಹಿತಿಗಳಿಲ್ಲ. ಅವರ ಕುಟುಂಬ ೧೭೩೮ರಲ್ಲಿ ನ್ಯೂಯಾರ್ಕನ ಅಲ್ಬನಿಗೆ ಸ್ಥಳಾಂತರಗೊಳ್ಳುವ ಮೊದಲು ಲೆಪ್ಟಿನೆಂಟ್ ಗೌರ್ನರ್ ಆಗಿದ್ದ ತಮ್ಮ ತಂದೆಯ ಜೊತೆಗೆ ಇಂಗ್ಲೆಂಡ್‌ನಲ್ಲಿ ವಾಸವಾಗಿದ್ದಿರಬಹುದು ಎಂದು ತಿಳಿಯಲಾಗಿದೆ. ೧೭೪೨ರ ಸುಮಾರಿಗೆ ಅವರ ತಂದೆ ನಿಧನರಾದ ನಂತರವೂ ಕೆಲಕಾಲ ಷಾರ್ಲೆಟ್ ಮತ್ತು ಅವರ ತಾಯಿ ನ್ಯೂಯಾರ್ಕನಲ್ಲಿಯೇ ವಾಸವಾಗಿದ್ದರು. ಹದಿಮೂರನೆ ವಯಸ್ಸಿಗೆ ಅವರನ್ನು ಚಿಕ್ಕಮ್ಮ ಮೇರಿ ಲಕಿಂಗ್‌ನೊಂದಿಗೆ ವಾಸಿಸಲು ಇಂಗ್ಲೆಂಡ್‌ಗೆ ಕಳಿಸಲಾಯಿತು. ಆದರೆ ಮಗನ ಸಾವಿನಿಂದಾಗಿ ಮಾನಸಿಕವಾಗಿ ಅಸ್ವಸ್ಥಗೊಂಡಿದ್ದ ಚಿಕ್ಕಮ್ಮನೊಡನೆ ಬಹಳ ಕಾಲ ವಾಸಿಸಲು ಸಾಧ್ಯವಾಗಲಿಲ್ಲ. ಹೀಗಾಗಿ ಷಾರ್ಲೆಟ್ ಕವಿ ಅನ್ನಿ ಫಿಂಚ್‌ನ ಸೋದರ ಸಂಬಂಧಿಯಾಗಿದ್ದ ಕೌಂಟೆಸ್ ಆಫ್ ವಿಂಚಿಲ್ಸಿಯ ಲೇಡಿ ಇಸಾಬೆಲ್ಲಾ ಫಿಂಚ್‌ರವರ ಜೊತೆಗೆ ಕೌಂಟೆಸ್ ಲಂಡನ್‌ನ ಫ್ಯಾಶನ್ ಹೃದಯ ಭಾಗದಲ್ಲಿರುವ ಬರ್ಕ್ಲಿ ಸ್ಕ್ವೇರ್‌ನಲ್ಲಿ ಭವ್ಯವಾದ, ಹೊಸದಾಗಿ ನಿರ್ಮಿಸಲಾದ ಟೌನ್‌ಹೌಸ್‌ನಲ್ಲಿ ಇರಬೇಕಾಯಿತು. ಷಾರ್ಲೆಟ್‌ರ ಬರಹಗಳನ್ನು ಮೊಟ್ಟಮೊದಲು ಗಮನಿಸಿ ಪ್ರೋತ್ಸಾಹಿಸಿದ್ದು ಇವರು. ಲೇಡಿ ಮೇರಿ ವರ್ಟ್ಲಿ ಮೊಂಟಾಗು ಹೊರೇಸ್ ವಾಲ್ಪೋಲ್ ಮುಂತಾದವರ ಸಂಪರ್ಕಕ್ಕೆ ಬರಲು ಇದು ಸಹಾಯಕವಾಯಿತು. ಈ ಕಾರಣಕ್ಕಾಗಿಯೇ ಷಾರ್ಲೆಟ್ ೧೭೪೭ರಲ್ಲಿ ಪ್ರಕಟವಾದ ತಮ್ಮ ಮೊದಲ ಕವನ ಸಂಕಲನ ಪೊಯಮ್ಸ್ ಆನ್ ನ್ನು ಲೇಡಿ ಇಸಾಬೆಲ್ಲಾರವರಿಗೆ ಅರ್ಪಿಸಿದ್ದಾರೆ.
ಲೇಡಿ ಇಸಾಬೆಲ್ಲಾ ಆಸ್ಥಾನದಲ್ಲಿ ಇದ್ದುದರಿಂದ ತಾವೂ ಕೂಡ ಆಸ್ಥಾನದಲ್ಲಿ ಕೆಲಸ ಪಡೆಯಲು ಷಾರ್ಲೆಟ್ ತಯಾರಿ ನಡೆಸುತ್ತಿದ್ದರು. ಆದರೆ ಅಲೆಕ್ಸಾಂಡರ್ ಲೆನಾಕ್ಸ್‌ರೊಂದಿಗಿನ ಮದುವೆಯಾಗಿದ್ದರಿಂದ ಅವರ ಆ ಆಸೆಯನ್ನು ಕೈ ಬಿಡಬೇಕಾಯಿತು. ಮುಂದಿನ ಜೀವನಕ್ಕಾಗಿ ಹಣ ಸಂಪಾದನೆ ಮಾಡಬೇಕಾದ್ದರಿಂದ ಸ್ಟೇಜ್ ಮೇಲೆ ನಟನೆಯನ್ನು ಮಾಡುವ ಉದ್ಯೋಗವನ್ನು ಆಯ್ದುಕೊಂಡ ಷಾರ್ಲೆಟ್ ಜೀವನ ನಿರ್ವಹಣೆಗಾಗಿ ಹಲವಾರು ಕೆಲಸಗಳನ್ನು ಮಾಡಿದರು. ೧೭೭೩ ರಿಂದ ೧೭೮೨ ರವರೆಗೆ ಅವರ ಗಂಡ ಕಸ್ಟಮ್ಸ್ ಕಛೇರಿಯಲ್ಲಿ ಉದ್ಯೋಗಿಯಾಗಿದ್ದರು. ಆದರೆ ಇದೂ ಕೂಡ ಡ್ಯೂಕ್ ಆಫ್ ನ್ಯೂಕ್ಯಾಸಲ್‌ರ ಪತ್ನಿಯಿಂದ ಪ್ರತಿಫಲವಾಗಿ ಪಡೆದ ಪ್ರಯೋಜನವಾಗಿದೆ ಎಂದು ವರದಿಯಾಗಿದೆ. ೧೭೬೮ರಲ್ಲಿ ತಾನು ಅರ್ಲ್ ಆಫ್ ಲೆನಾಕ್ಸ್‌ನ ಉತ್ತರಾಧಿಕಾರಿ ಎಂದು ಹೇಳಿಕೊಂಡರಾದರೂ ಹೌಸ್ ಆಫ್ ಲಾರ್ಡ್ಸ್ ಅವರ ಹಕ್ಕುಗಳನ್ನು ಬಾಸ್ಟರ್ಡಿ ಅಥವಾ ಅವರ "ದುರದೃಷ್ಟಕರ ಜನನ"ದ ಆಧಾರದ ಮೇಲೆ ತಿರಸ್ಕರಿಸಿತು,
೧೭೪೬ ರಲ್ಲಿ ೧೭ ನೇ ವಯಸ್ಸಿನಲ್ಲಿ, ಲೆನಾಕ್ಸ್ ತಮ್ಮ ಗಮನವನ್ನು ನಟನೆಯತ್ತ ತಿರುಗಿಸಿದರು. ಡ್ರುರಿ ಲೇನ್‌ನಲ್ಲಿ ರಾಜಕೀಯ ಮತ್ತು ಲಿಂಗದ ಸಾಮಾಜಿಕ ಸಮಸ್ಯೆಗಳೊಂದಿಗೆ ವ್ಯವಹರಿಸುವಾಗ ವಿಭಿನ್ನ ಜನಪ್ರಿಯತೆಯ "ಸಿವಿಲಿಯನ್' ನಾಟಕಗಳ ಸರಣಿಯಲ್ಲಿ ಪ್ರದರ್ಶನ ನೀಡಿದರಾದರೂ ಮೊದಲ ಕವನ ಸಂಕಲನದ ಪ್ರಕಟಣೆಯ ನಂತರ ನಟನೆಯ ಬದಲಾಗಿ ಬರವಣಿಗೆಯ ಕಡೆಗೆ ಗಮನವನ್ನು ತಿರುಗಿಸಿದರು, ಆದರೂ ೧೭೪೮ರಲ್ಲಿ ಮತ್ತೊಮ್ಮೆ ರಿಚ್‌ಮಂಡ್‌ನಲ್ಲಿ ಪ್ರದರ್ಶನದಲ್ಲಿ ಕಾಣಿಸಿಕೊಂಡರು. ೧೭೫೦ರಲ್ಲಿ ದಿ ಮೌರ್ನಿಂಗ್ ಬ್ರೈಡ್ ನಿರ್ಮಾಣದಲ್ಲಿ ಹೇಮಾರ್ಕೆಟ್ ಥಿಯೇಟರ್‌ನಲ್ಲಿ ಅತ್ಯಂತ ಲಾಭಗಳಿಸಿದ ಒಂದು ನಾಟಕ ಪ್ರದರ್ಶನದಲ್ಲಿ ನಟಿಸಿದರು. ನಂತರದ ವರ್ಷದಲ್ಲಿ, ಅವರು ತಮ್ಮ ಅತ್ಯಂತ ಯಶಸ್ವಿ ಕವಿತೆ "ದಿ ಆರ್ಟ್ ಆಫ್ ಕೊಕ್ವೆಟ್ರಿ" ಯನ್ನು ಜೆಂಟಲ್‌ಮ್ಯಾನ್ಸ್ ಮ್ಯಾಗಜೀನ್‌ನಲ್ಲಿ ಪ್ರಕಟಿಸಿದರು .ಆ ಸಮಯದಲ್ಲಿ ಭೇಟಿಯಾದ ಸ್ಯಾಮ್ಯುಯೆಲ್ ಜಾನ್ಸನ್ ಷಾರ್ಲೆಟ್‌ರವರ ಬರವಣಿಗೆಗಳನ್ನು ಗಂಭೀರವಾಗಿ ಪರಿಗಣಿಸಿದರು.
ಅವರ ಮೊದಲ ಕಾದಂಬರಿ, 'ದಿ ಲೈಫ್ ಆಫ್ ಹ್ಯಾರಿಯಟ್ ಸ್ಟುವರ್ಟ್' ಬರೆದಾಗ, ಜಾನ್ಸನ್ ಲೆನಾಕ್ಸ್‌ರವರಿಗೆ ಲಾರೆಲ್ ಮಾಲೆ ಮತ್ತು ಬೇ ಎಲೆಯನ್ನು ಹೊಂದಿರುವ ಆಪಲ್ ಪೈನೊಂದಿಗೆ ಅದ್ದೂರಿ ಪಾರ್ಟಿಯನ್ನು ನೀಡಿದರು. ಅನಾಮಧೇಯವಾಗಿ ಬರೆಯುವ ಬದಲು ಬರವಣಿಗೆಯನ್ನು ವೃತ್ತಿಪರಗೊಳಿಸಬೇಕೆಂದು ಜಾನ್ಸನ್ ಸಲಹೆ ನೀಡಿದರು. ತಮ್ಮ ಇತರ ಮಹಿಳಾ ಸಾಹಿತ್ಯಿಕ ಸ್ನೇಹಿತರಾದ ಎಲಿಜಬೆತ್ ಕಾರ್ಟರ್ , ಹನ್ನಾ ಮೋರ್ ಮತ್ತು ಫ್ರಾನ್ಸಿಸ್ ಬರ್ನಿ ಅವರಿಗಿಂತ ಷಾರ್ಲೆಟ್ ಲೆನಾಕ್ಸ್ ಶ್ರೇಷ್ಠ ಎಂದು ಭಾವಿಸಿದರು. ಲಂಡನ್ ಸಾಹಿತ್ಯಿಕ ರಂಗದಲ್ಲಿ ಪ್ರಮುಖ ಸದಸ್ಯರಿಗೆ ಲೆನಾಕ್ಸ್‌ರನ್ನು ಪರಿಚಯಿಸಿದರು. ಆದಾಗ್ಯೂ ಜಾನ್ಸನ್‌ರವರ ಸುತ್ತ ಇರುವ ಮಹಿಲಾ ಬರಹಗಾರರು ಲೆನಾಕ್ಸ್‌ರನ್ನು ಇಷ್ಟಪಡಲಿಲ್ಲ. ಬ್ಲೂಸ್ಟಾಕಿಂಗ್ ಸೊಸೈಟಿಯ ಸದಸ್ಯರಾದ ಹೆಸ್ಟರ್ ಥ್ರೇಲ್ , ಎಲಿಜಬೆತ್ ಕಾರ್ಟರ್ ಮತ್ತು ಲೇಡಿ ಮೇರಿ ವರ್ಟ್ಲೆ ಮೊಂಟಾಗು ಮುಂತಾದವರು ಷಾರ್ಲೆಟ್ ಮನೆಯನ್ನು ಸ್ತವ್ಯಸ್ತವಾಗಿ ಇಟ್ಟುಕೊಳ್ಳುವ ಗುಣಕ್ಕಾಗಿ, ತೋರಿಕೆಯ ಹಾಗೂ ಅಹಿತಕರ ವ್ಯಕ್ತಿತ್ವಕ್ಕಾಗಿ ಮತ್ತು ಅವರ ಕೆಟ್ಟ ಸ್ವಭಾವಕ್ಕಾಗಿ ಅವರನ್ನು ದೂಷಿಸಿದರು.
ಸಾಮ್ಯುಯೆಲ್ ರಿಚರ್ಡ್ಸನ್ ಹಾಗೂ ಸಾಮ್ಯುಯೆಲ್ ಜಾನ್ಸನ್ ಇಬ್ಬರಿಂದಲೂ ಪ್ರಶಂಸಿಸಿ ವಿಮರ್ಶಿಸಲ್ಪಟ್ಟ ಅವರ ಎರಡನೆ ಕಾದಂಬರಿ ಫಿಮೇಲ್ ಕ್ವಿಕ್ಸೋಟ್ ಅಥವಾ ದಿ ಅಡ್ವೆಂಚರ್ಸ್ ಆಫ್ ಅರಬೆಲ್ಲ ಕೂಡ ಅನಾಮಧೇಯವಾಗಿ ಪ್ರಕಟಗೊಂಡಿತು. ಹೆನ್ರಿ ಫೀಲ್ಡಿಂ ತಮ್ಮ ಕೋವೆಂಟ್ ಗಾರ್ಡನ್ ಪತ್ರಿಕೆಯಲ್ಲಿ ಇದನ್ನು ಹೊಗಳಿ ಲೇಖನ ಬರೆದರು. ೧೭೮೩, ೧೭೯೯ ಹಾಗೂ ೧೮೦೧ರಲ್ಲಿ ಶ್ರೇಷ್ಠ ಕಾದಂಬರಿಗಳ ಸರಣಿಗಳಲ್ಲಿ ಇದು ಮರುಮುದ್ರಣಗೊಂಡು ಅಪಾರ ಜನಪ್ರಿಯತೆಯನ್ನು ಪಡೆಯಿತು. ೧೮೦೮ರಲ್ಲಿ ಸ್ಪಾನಿಷ್ ಭಾಷೆಗೆ ಅನುವಾದಗೊಂಡಿತು.
ಈ ಕಾದಂಬರಿಯು ಲೆನಾಕ್ಸ್‌ರವರ ಮರಣದ ನಂತರ ತಾಂತ್ರಿಕವಾಗಿ ವರ ಹೆಸರಿನಿಂದ ಗುರುತಿಸಲ್ಪಟ್ಟಿತಾದರೂ ಈ ಮೊದಲೇ ಅನಾಮಧೇಯತೆಯು ಬಹಿರಂಗ ರಹಸ್ಯವಾಗಿತ್ತು, ಅವರ ಇತರ ಕೃತಿಗಳನ್ನು " ದಿ ಫೀಮೇಲ್ ಕ್ವಿಕ್ಸೋಟ್‌ನ ಲೇಖಕರ ಕೃತಿ" ಎಂದು ಪ್ರಚಾರ ಮಾಡುತ್ತಿದ್ದರು ಆದರೆ ದಿ ಫೀಮೇಲ್ ಕ್ವಿಕ್ಸೋಟ್‌ನ ಯಾವುದೇ ಪ್ರಕಟಿತ ಆವೃತ್ತಿಯು ಅವರ ಜೀವಿತಾವಧಿಯಲ್ಲಿ ಅವರ ಹೆಸರನ್ನು ಹೊಂದಿರಲಿಲ್ಲ. ಸ್ಪ್ಯಾನಿಷ್ ಆವೃತ್ತಿಯ ಅನುವಾದಕ ಎಲ್ಟಿ-ಕೋಲ್. ಡಾನ್ ಬರ್ನಾರ್ಡೊ ಮರಿಯಾ ಡಿ ಕಾಲ್ಜಾಡಾರವರು ಇಂಗ್ಲೀಷ್ ಭಾಷೆಯ ಮೇಲೆ ಹಿಡಿತ ಹೊಂದಿಲ್ಲದಿದ್ದರೂ ಈಗಾಗಲೇ ಫ್ರೆಂಚ್ ಭಾಷೆಗೆ ಅನುವಾದಗೊಂಡಿರುವ ಪ್ರತಿಯನ್ನು ನೋಡಿ ಅನುವಾದಿಸಿದ್ದರೂ "ಇಂಗ್ಲಿಷ್‌ನಲ್ಲಿ ಅಜ್ಞಾತ ಲೇಖಕರಿಂದ ಮತ್ತು ಸ್ಪ್ಯಾನಿಷ್‌ನಲ್ಲಿ ಡಿ. ಬರ್ನಾರ್ಡೊ ಬರೆದಿದ್ದಾರೆ" ಎಂದು ಹೇಳುವ ಮೂಲಕ ಕಾದಂಬರಿಯನ್ನು ತಮ್ಮ ಸ್ವಾಧೀನಪಡಿಸಿಕೊಂಡರು,
ಅರಬೆಲ್ಲಾ (ಅರಬೆಲ್ಲಾ ಎಂಬುದು ರಿಚರ್ಡ್‌ಸನ್‌ನ ಕ್ಲಾರಿಸ್ಸಾ ರವರು ೧೭೪೮ರಲ್ಲಿ ಪಗರಕಟಿಸಿದ ಕಾದಂಬರಿಯ ನಾಯಕಿ ಪಾತ್ರದ ಅಕ್ಕನ ಹೆಸರು ) ಒಂದು ಆದರ್ಶಪ್ರಾಯ, ವಿದ್ಯಾವಂತ ಮತ್ತು ಸುಸಂಸ್ಕೃತ ಮಹಿಳೆ. ಬಹುಶಃ ಇದು ಲೆನಾಕ್ಸ್‌ರವರ ಸ್ವಂತ ಆದರ್ಶವಾದದದೃಷ್ಟಿಕೋನವನ್ನು ಪ್ರತಿನಿಧಿಸುತ್ತದೆ.
ಜೋಸೆಫ್ ಬರೆಟ್ಟಿ ಅವರು ಲೆನಾಕ್ಸ್‌ರವರಿಗೆ ಇಟಾಲಿಯನ್ ಭಾಷೆಯನ್ನು ಕಲಿಸಿದರು, ಮತ್ತು ೧೮ ನೇ ಶತಮಾನದ ಮಧ್ಯಭಾಗದಲ್ಲಿ ಗ್ರೀಕ್ ದುರಂತದ ಅತ್ಯಂತ ಪ್ರಭಾವಶಾಲಿ ಫ್ರೆಂಚ್ ಅಧ್ಯಯನವಾದ ದಿ ಗ್ರೀಕ್ ಥಿಯೇಟರ್ ಆಫ್ ಫಾದರ್ ಬ್ರೂಮೊಯ್‌ನ್ನು ಭಾಷಾಂತರಿಸಿದರು. ಇದಕ್ಕಾಗಿ ಹಲವಾರು ಜನರು ಸಹಾಯ ಮಾಡಿದರು . ೧೭೫೫ರಲ್ಲಿ ಅವರು ಡ್ಯೂಕ್ ಆಫ್ ಸುಲ್ಲಿ ಎಂಬ ಮ್ಯಾಕ್ಸಿಮಿಲಿಯನ್ ಡಿ ಬೆಥೂನ್ ಅವರ ಆತ್ಮಚರಿತ್ರೆಗಳನ್ನು ಅನುವಾದಿಸಿದರು . ಹಲವಾರು ಭಾಷೆಗಳನ್ನು ಕಲಿಯುತ್ತಿದ್ದ ಷಾರ್ಲೆಟ್ ಲೆನಾಕ್ಸ್ ವಿಲಿಯಂ ಶೇಕ್ಸ್‌ಪಿಯರ್‌ನ ನಾಟಕಗಳ ಮೂಲಗಳಲ್ಲಿ ಆಸಕ್ತಿ ವಹಿಸಿ ತುಲನಾತ್ಮಕ ಅಧ್ಯಯನವನ್ನು ಮಾಡಿದರು . ೧೭೫೩ರಲ್ಲಿ, 'ಶೇಕ್ಸ್‌ಫಿಯರ್ ಇಲ್ಲಸ್ಟ್ರೇಟೆಡ್'ನ ಮೊದಲ ಎರಡು ಸಂಪುಟಗಳನ್ನು ಪ್ರಕಟಿಸಿದರು. ಪುಸ್ತಕವು ಷೇಕ್ಸ್‌ಪಿಯರ್‌ನ ಕಥಾವಸ್ತುವಿನ ಹೊಂದಾಣಿಕೆಗಳು ಮತ್ತು ಅವನ ನೈತಿಕತೆಯ ಕೊರತೆಗಾಗಿ ತರಾಟೆಗೆ ತೆಗೆದುಕೊಳ್ಳುತ್ತದೆ.
ಷೇಕ್ಸ್ಪಿಯರ್‌ರವರ ನಾಟಕಗಳು ಸ್ತ್ರೀ ಪಾತ್ರಗಳನ್ನು ಅನೈತಿಕವಾಗಿ ಕಾಣುತ್ತಿವೆಯಲ್ಲದೆ ತುಂಬ ಕ್ರೂರವಾಗಿ ಚಿತ್ರಿಸಿವೆ ಎಂದು ಟೀಕಿಸಿದರು. "ಹಳೆಯ ಪ್ರಣಯಗಳು ಅವರಿಗೆ ನೀಡಿದ ಶಕ್ತಿ ಮತ್ತು ನೈತಿಕ ಸ್ವಾತಂತ್ರ್ಯವನ್ನು ದುರುಪಯೋಗ ಪಡಿಸಿಕೊಂಡಂತೆ ಚಿತ್ರಿಸಲಾಗಿದೆ" ಎಂದು ಬರೆದರು.
ಸ್ಯಾಮ್ಯುಯೆಲ್ ಜಾನ್ಸನ್ ಈ ಕೃತಿಗೆ ವಿಶ್ಲೇಷಣೆಯನ್ನು ಬರೆದರು, ಆದರೆ ಡೇವಿಡ್ ಗ್ಯಾರಿಕ್ ಮತ್ತು ಇತರರು ಶೇಕ್ಸ್‌ಫಿಯರ್‌ನಂತಹ ಶ್ರೇಷ್ಠ ಮತ್ತು ಅತ್ಯುತ್ತಮ ಲೇಖಕನನ್ನು ಹಾಗೆ ತೆಗಳಿದ್ದಕ್ಕಾಗಿ ಟೀಕಿಸಿದರು. ಜಾನ್ಸನ್‌ರವರ ಪ್ರೋತ್ಸಾಹವು ಅವರ ಖ್ಯಾತಿಯನ್ನು ರಕ್ಷಿಸಿದರೂ, ಸಾಹಿತ್ಯ ಪ್ರಪಂಚವು ೧೭೫೮ರಲ್ಲಿ ಪ್ರಕಟವಾದ ಅವರ ಮೂರನೇ ಕಾದಂಬರಿಯಾದ ಹೆನ್ರಿಯೆಟ್ಟಾ ಮೇಲೆ ಸೇಡು ತೀರಿಸಿಕೊಂಡಿತು. ಹೆನ್ರಿಯೆಟ್ಟಾ ಆಧಾರಿತ ದಿ ಸಿಸ್ಟರ್ ಎಂಬ ನಾಟಕದ ಪ್ರದರ್ಶನದ ಸಮಯದಲ್ಲಿ ಹಲವಾರು ಪ್ರೇಕ್ಷಕರ ಗುಂಪುಗಳು ನಾಟಕವನ್ನು ಪ್ರದರ್ಶನಗೊಳ್ಳುವ ಮೊದಲ ರಾತ್ರಿಯಲ್ಲಿಯೇ ವೇದಿಕೆಯಿಂದ ಹೊರಹಾಕಲು ಸಂಘಟಿತರಾದರು, ಆದರೂ ಈ ಕಾದಂಬರಿ ಹಲವಾರು ಆವೃತ್ತಿಗಳಲ್ಲಿ ಮುದ್ರಣಗೊಂಡು ಮಾರಾಟದಲ್ಲಿ ಯಶಸು ಕಂಡಿತು. ಆದರೂ ಅದು ಷಾರ್ಲೆಟ್‌ರವರಿಗೆ ಹಣವನ್ನು ತಂದುಕೊಡಲಿಲ್ಲ.
ಅರಬೆಲ್ಲಾ (ಅರಬೆಲ್ಲಾ ಎಂಬುದು ರಿಚರ್ಡ್‌ಸನ್‌ನ ಕ್ಲಾರಿಸ್ಸಾ ರವರು ೧೭೪೮ರಲ್ಲಿ ಪಗರಕಟಿಸಿದ ಕಾದಂಬರಿಯ ನಾಯಕಿ ಪಾತ್ರದ ಅಕ್ಕನ ಹೆಸರು ) ಒಂದು ಆದರ್ಶಪ್ರಾಯ, ವಿದ್ಯಾವಂತ ಮತ್ತು ಸುಸಂಸ್ಕೃತ ಮಹಿಳೆ. ಬಹುಶಃ ಇದು ಲೆನಾಕ್ಸ್‌ರವರ ಸ್ವಂತ ಆದರ್ಶವಾದದದೃಷ್ಟಿಕೋನವನ್ನು ಪ್ರತಿನಿಧಿಸುತ್ತದೆ.
ಜೋಸೆಫ್ ಬರೆಟ್ಟಿ ಅವರು ಲೆನಾಕ್ಸ್‌ರವರಿಗೆ ಇಟಾಲಿಯನ್ ಭಾಷೆಯನ್ನು ಕಲಿಸಿದರು, ಮತ್ತು ೧೮ ನೇ ಶತಮಾನದ ಮಧ್ಯಭಾಗದಲ್ಲಿ ಗ್ರೀಕ್ ದುರಂತದ ಅತ್ಯಂತ ಪ್ರಭಾವಶಾಲಿ ಫ್ರೆಂಚ್ ಅಧ್ಯಯನವಾದ ದಿ ಗ್ರೀಕ್ ಥಿಯೇಟರ್ ಆಫ್ ಫಾದರ್ ಬ್ರೂಮೊಯ್‌ನ್ನು ಭಾಷಾಂತರಿಸಿದರು. ಇದಕ್ಕಾಗಿ ಹಲವಾರು ಜನರು ಸಹಾಯ ಮಾಡಿದರು . ೧೭೫೫ರಲ್ಲಿ ಅವರು ಡ್ಯೂಕ್ ಆಫ್ ಸುಲ್ಲಿ ಎಂಬ ಮ್ಯಾಕ್ಸಿಮಿಲಿಯನ್ ಡಿ ಬೆಥೂನ್ ಅವರ ಆತ್ಮಚರಿತ್ರೆಗಳನ್ನು ಅನುವಾದಿಸಿದರು . ಹಲವಾರು ಭಾಷೆಗಳನ್ನು ಕಲಿಯುತ್ತಿದ್ದ ಷಾರ್ಲೆಟ್ ಲೆನಾಕ್ಸ್ ವಿಲಿಯಂ ಶೇಕ್ಸ್‌ಪಿಯರ್‌ನ ನಾಟಕಗಳ ಮೂಲಗಳಲ್ಲಿ ಆಸಕ್ತಿ ವಹಿಸಿ ತುಲನಾತ್ಮಕ ಅಧ್ಯಯನವನ್ನು ಮಾಡಿದರು . ೧೭೫೩ರಲ್ಲಿ, 'ಶೇಕ್ಸ್‌ಫಿಯರ್ ಇಲ್ಲಸ್ಟ್ರೇಟೆಡ್'ನ ಮೊದಲ ಎರಡು ಸಂಪುಟಗಳನ್ನು ಪ್ರಕಟಿಸಿದರು. ಪುಸ್ತಕವು ಷೇಕ್ಸ್‌ಪಿಯರ್‌ನ ಕಥಾವಸ್ತುವಿನ ಹೊಂದಾಣಿಕೆಗಳು ಮತ್ತು ಅವನ ನೈತಿಕತೆಯ ಕೊರತೆಗಾಗಿ ತರಾಟೆಗೆ ತೆಗೆದುಕೊಳ್ಳುತ್ತದೆ.
ಷೇಕ್ಸ್ಪಿಯರ್‌ರವರ ನಾಟಕಗಳು ಸ್ತ್ರೀ ಪಾತ್ರಗಳನ್ನು ಅನೈತಿಕವಾಗಿ ಕಾಣುತ್ತಿವೆಯಲ್ಲದೆ ತುಂಬ ಕ್ರೂರವಾಗಿ ಚಿತ್ರಿಸಿವೆ ಎಂದು ಟೀಕಿಸಿದರು. "ಹಳೆಯ ಪ್ರಣಯಗಳು ಅವರಿಗೆ ನೀಡಿದ ಶಕ್ತಿ ಮತ್ತು ನೈತಿಕ ಸ್ವಾತಂತ್ರ್ಯವನ್ನು ದುರುಪಯೋಗ ಪಡಿಸಿಕೊಂಡಂತೆ ಚಿತ್ರಿಸಲಾಗಿದೆ" ಎಂದು ಬರೆದರು.
ಸ್ಯಾಮ್ಯುಯೆಲ್ ಜಾನ್ಸನ್ ಈ ಕೃತಿಗೆ ವಿಶ್ಲೇಷಣೆಯನ್ನು ಬರೆದರು, ಆದರೆ ಡೇವಿಡ್ ಗ್ಯಾರಿಕ್ ಮತ್ತು ಇತರರು ಶೇಕ್ಸ್‌ಫಿಯರ್‌ನಂತಹ ಶ್ರೇಷ್ಠ ಮತ್ತು ಅತ್ಯುತ್ತಮ ಲೇಖಕನನ್ನು ಹಾಗೆ ತೆಗಳಿದ್ದಕ್ಕಾಗಿ ಟೀಕಿಸಿದರು. ಜಾನ್ಸನ್‌ರವರ ಪ್ರೋತ್ಸಾಹವು ಅವರ ಖ್ಯಾತಿಯನ್ನು ರಕ್ಷಿಸಿದರೂ, ಸಾಹಿತ್ಯ ಪ್ರಪಂಚವು ೧೭೫೮ರಲ್ಲಿ ಪ್ರಕಟವಾದ ಅವರ ಮೂರನೇ ಕಾದಂಬರಿಯಾದ ಹೆನ್ರಿಯೆಟ್ಟಾ ಮೇಲೆ ಸೇಡು ತೀರಿಸಿಕೊಂಡಿತು. ಹೆನ್ರಿಯೆಟ್ಟಾ ಆಧಾರಿತ ದಿ ಸಿಸ್ಟರ್ ಎಂಬ ನಾಟಕದ ಪ್ರದರ್ಶನದ ಸಮಯದಲ್ಲಿ ಹಲವಾರು ಪ್ರೇಕ್ಷಕರ ಗುಂಪುಗಳು ನಾಟಕವನ್ನು ಪ್ರದರ್ಶನಗೊಳ್ಳುವ ಮೊದಲ ರಾತ್ರಿಯಲ್ಲಿಯೇ ವೇದಿಕೆಯಿಂದ ಹೊರಹಾಕಲು ಸಂಘಟಿತರಾದರು, ಆದರೂ ಈ ಕಾದಂಬರಿ ಹಲವಾರು ಆವೃತ್ತಿಗಳಲ್ಲಿ ಮುದ್ರಣಗೊಂಡು ಮಾರಾಟದಲ್ಲಿ ಯಶಸು ಕಂಡಿತು. ಆದರೂ ಅದು ಷಾರ್ಲೆಟ್‌ರವರಿಗೆ ಹಣವನ್ನು ತಂದುಕೊಡಲಿಲ್ಲ.
೧೭೬೦ರಿಂದ ೧೭೬೧ರವರೆಗೆ ಅವರು ದಿ ಲೇಡಿಸ್ ಮ್ಯೂಸಿಯಂ ನಿಯತಕಾಲಿಕೆಗೆ ಬರೆದರು, ಅದು ಅಂತಿಮವಾಗಿ ೧೭೬೨ರಲ್ಲಿ ಸೋಫಿಯಾವನ್ನು ಸೋಫಿಯಾ ಕಾದಂಬರಿಯಾಗಿ ಪ್ರಕಟವಾಯಿತು. ೧೭೭೫ರಲ್ಲಿ ಡೆವಿಡ್ ಗ್ಯಾರಿಕ್ ಅವರ ಓಲ್ಡ್ ಸಿಟಿ ಮ್ಯಾನರ್ಸ್ ನಾಟಕವನ್ನು ಡ್ಯೂರೆ ಲೇನ್‌ನಲ್ಲಿರುವ ರಾಯಲ್ ಥಿಯೇಟರ್‌ನಲ್ಲಿ ಪ್ರದರ್ಶಿಸಿದರು. ಆ ಸಮಯದಲ್ಲಿ ಪ್ರಣಯದ ಕಾದಂಬರಿಗಳಲ್ಲಿ ಸಾರ್ವಜನಿಕರ ಆಸಕ್ತಿಯು ಕ್ಷೀಣಿಸುತ್ತಿರುವಂತೆ ತೋರದರೂ ಅವರ ಕೊನೆಯ ಕಾದಂಬರಿಯಾದ ಯುಫೆಮಿಯಾ ೧೭೯೦ರಲ್ಲಿ ಪ್ರಕಟವಾಯಿತು. ಯುಫೆಮಿಯಾ ಅಮೇರಿಕನ್ ಕ್ರಾಂತಿಯ ಮೊದಲು ನ್ಯೂಯಾರ್ಕ್‌ನಲ್ಲಿ ರೂಪಿಸಿಕೊಂಡ ಒಂದು ಎಪಿಸ್ಟೋಲರಿ ಕಾದಂಬರಿ.
ಲೆನಾಕ್ಸ್‌ರವರ ವೈವಾಹಿಕ ಜೀವನದ ಬಗ್ಗೆ ಹೆಚ್ಚಿನ ಮಾಹಿತಿಗಳಿಲ್ಲ. ತಮ್ಮ ಗಂಡನಿಂದ ಹಲವಾರು ವರ್ಷಗಳ ಕಾಲ ದೂರವಾಗಿದ್ದ ಕುರಿತು ಮಾಹಿತಿಗಳಿವೆ. ೧೭೯೩ರಲ್ಲಿ ಪರಸ್ಪರ ದೂರವಾಗುವ ಮುನ್ನ ಅವರಿಗೆ ಬಾಲ್ಯದಲ್ಲಿಯೇ ತೀರಿಕೊಂಡ ಹ್ಯಾರಿಯಟ್ ಹೋಲ್ಸ್ ಲೆನಾಕ್ಸ್ (೧೭೬೫-೧೮೦೨/೪) ಮತ್ತು ಜಾರ್ಜ್ ಲೆವಿಸ್ ಲೆನಾಕ್ಸ್ (ಜನನ ೧೭೭೧) ಎನ್ನು ಇಬ್ಬರು ಮಕ್ಕಳಿದ್ದರು. ಪತಿಯಿಂದ ಬೇರ್ಪಟ್ಟ ನಂತರ ಷಾರ್ಲೆಟ್ ತನ್ನ ಜೀವನದುದ್ದಕ್ಕೂ ಸಾಹಿತ್ಯದಿಂದ ಬಂದ ಹಣವನ್ನು ಅವಲಂಬಿಸಿ ಏಕಾಂಗಿಯಾಗಿ ವಾಸಿಸುತ್ತಿದ್ದರು. ೪ ಜನವರಿ ೧೮೦೪ರಂದು ಲಂಡನ್‌ನಲ್ಲಿ ನಿಧನರಾದರು ಮತ್ತು ಕೋವೆಂಟ್ ಗಾರ್ಡನ್‌ನ ಬ್ರಾಡ್ ಕೋರ್ಟ್ ಸ್ಮಶಾನದಲ್ಲಿ ಸಮಾಧಿ ಮಾಡಲಾಯಿತು .
೧೯ ನೇ ಶತಮಾನದ ಅವಧಿಯಲ್ಲಿ ಫಿಮೇಲ್ ಕ್ವಿಕ್ಸೋಟ್ ಸಾಕಷ್ಟು ಜನಪ್ರಿಯತೆಯನ್ನು ಗಳಿಸಿಕೊಂಡಿತು. ೨೦ ನೇ ಶತಮಾನದಲ್ಲಿ, ಸ್ತ್ರೀವಾದಿ ವಿದ್ವಾಂಸರಾದ ಜಾನೆಟ್ ಟಾಡ್ , ಜೇನ್ ಸ್ಪೆನ್ಸರ್ ಮತ್ತು ನ್ಯಾನ್ಸಿ ಆರ್ಮ್‌ಸ್ಟ್ರಾಂಗ್ ಮುಂತಾದವರು ಲೆನಾಕ್ಸ್‌ರವರ ಕೌಶಲ್ಯ ಮತ್ತು ಸೃಜನಶೀಲತೆಯನ್ನು ಶ್ಲಾಘಿಸಿದ್ದಾರೆ. ಶೇಕ್ಸ್‌ಫಿಯರ್ ಕೃತಿಗಳ ತುಲನಾತ್ಮಕ ಅಧ್ಯಯನವನ್ನು ಸ್ತ್ರೀವಾದಿ ವಿಮರ್ಶೆಗಳ ಆದಿ ಎಂದು ಗುರುತಿಸಿದ್ದಾರೆ.
ಅವರ ಜೀವನ ಮತ್ತು ಸಾಹಿತ್ಯದ ಪರಿಚಯವನ್ನು ಫ್ರಾನ್ಸಿಸ್ ಬೂತ್‌ರವರು 'ಕಿಲ್ಲಿಂಗ್ ದಿ ಏಂಜೆಲ್: ಅರ್ಲಿ ಟ್ರಾನ್ಸ್‌ಗ್ರೆಸಿವ್ ಬ್ರಿಟಿಷ್ ವುಮನ್ ರೈಟಸ್ ಎಂಬದು ಬರೆದು ಜಗತ್ತಿಗೆ ಪರಿಚಯಿಸಿದರು.
ಅವರ ಪ್ರಮುಖ ನಾಟಕಗಳು ಫಿಲಾಂಡರ್ (೧೭೫೮), ದಿ ಸಿಸ್ಟರ್ (೧೭೬೯), ಮತ್ತು ಓಲ್ಡ್ ಸಿಟಿ ಮ್ಯಾನರ್ಸ್ (೧೭೭೫). ಹಾಗೂ ನಾಲ್ಕು ಕಾದಂಬರಿಗಳು ಹೆನ್ರಿಯೆಟ್ಟಾ, ೧೭೫೮ (ಈ ಕಾದಂಬರಿಯನ್ನು ಆಧರಿಸಿ ದಿ ಸಿಸ್ಟರ್ ಎಂಬ ರಂಗ ನಾಟಕವನ್ನೂ ಬರೆದರು) ಸೋಫಿಯಾ ೧೭೬೨, ಎಲಿಜಾ ೧೭೬೬ ಮತ್ತು ಯುಫೆಮಿಯಾ ೧೭೯೦, ಆದರೆ ೧೭೬೧ ಮತ್ತು ೧೭೬೨ ರ ಸಮಯದಲ್ಲಿ ಅವರ ಮುಖ್ಯ ಸಾಹಿತ್ಯದ ಔಟ್‌ಪುಟ್‌ನ ಸಂಪಾದಕರಾಗಿ ಮತ್ತು ದಿ ಲೇಡಿಸ್ ಮ್ಯೂಸಿಯಂ ನಿಯತಕಾಲಿಕೆಗಾಗಿ ಬರೆದ ದಿ ಟ್ರಿಫ್ಲರ್ ಇವರ ಮುಖ್ಯ ಕೃತಿಗಳು.
ಬದುಕಿನಲ್ಲಿ ವಿಧಿಯ ಆಟವನ್ನು ಎದುರಿಸಿದ ಮಹಿಳೆ ಇವರು. ಕೋರ್ಟಿಯರ ಆಗಲು ಬಯಸಿ, ನಟಿಯಾಗಲು ಇಚ್ಛಿಸಿ ಯಾವುದೂ ಸಾಧ್ಯವಾಗದೆ ಬರಹಗಾರರಾಗಿ ಯಶಸ್ಸನ್ನು ಗಳಿಸಿದ ಇವರ ಜೀವನದ ಹೋರಾಟವೂ ಅಧ್ಯಯನ ಯೋಗ್ಯವಾಗಿದೆ.
lokadhwani - https://lokadhwani.com/ArticlePage/APpage.php?edn=Main&articleid=LOKWNI_MAI_20220916_4_7
No comments:
Post a Comment