ಸ್ಪಾನಿಷ್‌ನ ಜನಪ್ರಿಯ ಬರೆಹಗಾರ್ತಿ ಇಸಾಬೆಲ್ ಏಂಜೆಲಿಕಾ ಅಲೆಂಡೆ ಲೊನಾ

ಸ್ಪಾನಿಷ್‌ನ ಜನಪ್ರಿಯ ಬರೆಹಗಾರ್ತಿ ಇಸಾಬೆಲ್ ಏಂಜೆಲಿಕಾ ಅಲೆಂಡೆ ಲೊನಾ

ಪೆರುವಿನ ಲಿಮಾದಲ್ಲಿ ೨ ಆಗಸ್ಟ್ ೧೯೪೨ರಂದು ೧೯೭೦ ರಿಂದ ೧೯೭೩ ರವರೆಗೆ ಚಿಲಿಯ ಅಧ್ಯಕ್ಷ ಸಾಲ್ವಡಾರ್ ಅಲೆಂಡೆ ಅವರ ಮೊದಲ ಸೋದರಸಂಬಂಧಿಯಾಗಿದ್ದ ಮತ್ತು ಆ ಸಮಯದಲ್ಲಿ ಚಿಲಿಯಲ್ಲಿ ಎರಡನೇ ಕಾರ್ಯದರ್ಶಿಯಾಗಿದ್ದ ಟೋಮಸ್ ಅಲೆಂಡೆ ಹಾಗೂ "ಡೊನಾ ಪಂಚಿತಾ" (ಪೋರ್ಚುಗೀಸ್ ಮೂಲದ ಅಗಸ್ಟಿನ್ ಲೊನಾ ಕ್ಯುವಾಸ್ ಮತ್ತು ಇಸಾಬೆಲ್ ಬ್ಯಾರೋಸ್ ಮೊರೆರಾ ಅವರ ಮಗಳು) ಎಂದು ಕರೆಯಲ್ಪಡುವ ಫ್ರಾನ್ಸಿಸ್ಕಾ ಲೊನಾ ಬ್ಯಾರೋಸ್ ಅವರ ಮಗಳಾಗಿ  ಜನಿಸಿದ ಇಸಾಬೆಲ್ ಏಂಜೆಲಿಕಾ ಅಲೆಂಡೆ ಲೊನಾ ಅಮೇರಿಕನ್ ಸ್ಪ್ಯಾನಿಷ್‌ನ ಚಿಲಿಯ "ಜಗತ್ತಿನ ಅತ್ಯಂತ ವ್ಯಾಪಕವಾಗಿ ಓದುವ ಸ್ಪ್ಯಾನಿಷ್ ಭಾಷೆಯ ಬರಹಗಾರ್ತಿ'.

೧೯೪೫ ರಲ್ಲಿ, ಟೋಮಸ್ ಅವರನ್ನು ತೊರೆದ ಇಸಾಬೆಲ್ ಅವರ ತಾಯಿ ತನ್ನ ಮೂವರು ಮಕ್ಕಳೊಂದಿಗೆ ಚಿಲಿಯ ಸ್ಯಾಂಟಿಯಾಗೊಕ್ಕೆ ಸ್ಥಳಾಂತರಗೊಂಡರು. ೧೯೫೩ರವರೆಗೆ ಚಿಲಿಯಲ್ಲಿ ವಾಸಿಸುತ್ತಿದ್ದ ಅಲೆಂಡೆ ಅವರ ತಾಯಿ ೧೯೫೩ ರಲ್ಲಿ ರಾಮನ್ ಹುಯ್ಡೋಬ್ರೊ ಅವರನ್ನು ವಿವಾಹವಾದರು. ಹುಯ್ಡೋಬ್ರೊ ಬೊಲಿವಿಯಾ ಮತ್ತು ಬೈರುತ್‌ಗೆ ನೇಮಕಗೊಂಡ ರಾಜತಾಂತ್ರಿಕರಾಗಿದ್ದರು. ಬೊಲಿವಿಯಾದಲ್ಲಿ, ಅಲೆಂಡೆ ಅಮೆರಿಕಾದ ಖಾಸಗಿ ಶಾಲೆಯಲ್ಲಿ ಮತ್ತು ಲೆಬನಾನ್‌ನ ಬೈರುತ್‌ನಲ್ಲಿ ಖಾಸಗಿ ಇಂಗ್ಲಿಷ್ ಶಾಲೆಯಲ್ಲಿ ವ್ಯಾಸಂಗ ಮಾಡಿದರು. ಕುಟುಂಬವು ೧೯೫೮ ರಲ್ಲಿ ಚಿಲಿಗೆ ಮರಳಿತು. ತನ್ನ ಯೌವನದ ದಿನಗಳಲ್ಲಿ ಓದುವುದು ಅಲೆಂಡೆಯವರಿಗೆ ಬಹಳ ಇಷ್ಟವಾದ ಹವ್ಯಾಸವಾಗಿತ್ತು. ಅದರಲ್ಲೂ ವಿಶೇಷವಾಗಿ ವಿಲಿಯಂ ಷೇಕ್ಸ್ಪಿಯರ್ನ ಕೃತಿಗಳನ್ನು ಓದುವುದೆಂದರೆ ಜಗತ್ತನ್ನೇ ಮರೆತು ಬಿಡುತ್ತಿದ್ದರು. ೧೯೭೦ರಲ್ಲಿ ಹುಯಿಡೋಬ್ರೊರವರನ್ನು ಸಾಲ್ವಡಾರ್ ಅಲೆಂಡೆ ಅರ್ಜೆಂಟೈನಾದ ರಾಯಭಾರಿಯಾಗಿ ನೇಮಿಸಿದರು.

       ಚಿಲಿಯಲ್ಲಿ ವಾಸಿಸುತ್ತಿರುವಾಗ, ಅಲೆಂಡೆ ತಮ್ಮ ಮಾಧ್ಯಮಿಕ ಶಿಕ್ಷಣವನ್ನು ಮುಗಿಸಿದರು. ೧೯೬೨ ರಲ್ಲಿ ಇಂಜಿನಿಯರಿಂಗ್ ವಿದ್ಯಾರ್ಥಿ ಮಿಗುಯೆಲ್ ಫ್ರಿಯಾಸ್ ಅವರನ್ನು  ವಿವಾಹವಾದ ಅವರಿಗೆ ಇಬ್ಬರು ಮಕ್ಕಳಿದ್ದರು. ಒಬ್ಬ ಮಗ ಮತ್ತು ಮಗಳು. ಅವರ ಮಗಳು ಪೌಲಾ ೧೯೬೩ ರಲ್ಲಿ ಜನಿಸಿದರು; ಅವರು ೧೯೯೨ರಲ್ಲಿ ನಿಧನರಾದರು. ೧೯೬೬ರಲ್ಲಿ, ಅಲೆಂಡೆ ಮತ್ತೆ ಚಿಲಿಗೆ ಮರಳಿದರು, ಅಲ್ಲಿ ಅವರ ಮಗ ನಿಕೋಲಸ್ ಅದೇ ವರ್ಷ ಜನಿಸಿದರು.


ವರದಿಯ ಪ್ರಕಾರ "ಅಲೆಂಡೆ ಆಂಗ್ಲೋಫೈಲ್ ಕುಟುಂಬಕ್ಕೆ ವಿವಾಹವಾಗಿದ್ದರಿಂದ ಒಂದು ರೀತಿಯ ದ್ವಿಮುಖ ಜೀವನ ನಡೆಸಬೇಕಾಗಿತ್ತು. ಮನೆಯಲ್ಲಿ ವಿಧೇಯ ಹೆಂಡತಿ ಮತ್ತು ಇಬ್ಬರ ತಾಯಿಯಾಗಿ ಹಾಗೂ ಸಾರ್ವಜನಿಕವಾಗಿ ಬಾರ್ಬರಾ ಕಾರ್ಟ್‌ಲ್ಯಾಂಡ್ ಅನ್ನು ಭಾಷಾಂತರಿಸುವ ಅನುವಾದಕಿಯಾಗಿ ನಂತರ ಪ್ರಸಿದ್ಧ ಟಿವಿಯ ನಿರೂಪಕಿಯಾಗಿ, ಸ್ತ್ರೀವಾದಿ ಪತ್ರಿಕೆಯಲ್ಲಿ ನಾಟಕಕಾರ್ತಿ ಮತ್ತು ಪತ್ರಕರ್ತಳಾಗಿ ಕಾರ್‍ಯ ನಿರ್ವಹಿಸಿದರು.

೧೯೫೯ರಿಂದ ೧೯೬೫ರವರೆಗೆ, ಅಲೆಂಡೆ ಯುನೈಟೆಡ್ ನೇಷನ್ಸ್ ಫುಡ್ ಅಂಡ್ ಅಗ್ರಿಕಲ್ಚರ್ ಆರ್ಗನೈಸೇಶನ್‌ನೊಂದಿಗೆ ಸ್ಯಾಂಟಿಯಾಗೊದಲ್ಲಿ, ನಂತರ ಬ್ರಸೆಲ್ಸ್‌ನಲ್ಲಿ ಮತ್ತು ಯುರೋಪಿನ ಇತರೆಡೆ ಕೆಲಸ ಮಾಡಿದರು. ಚಿಲಿಯಲ್ಲಿ ಕೆಲ ಸಮಯ ಇಂಗ್ಲಿಷ್‌ನಿಂದ ಸ್ಪ್ಯಾನಿಷ್‌ಗೆ ಪ್ರಣಯ ಕಾದಂಬರಿಗಳನ್ನು ಅನುವಾದಿಸುವ ಕೆಲಸವನ್ನೂ ಮಾಡಿದರು. ಆದಾಗ್ಯೂ, ನಾಯಕಿಯರ ಸಂಭಾಷಣೆಗೆ ಅನಧಿಕೃತ ಬದಲಾವಣೆಗಳನ್ನು ಮಾಡಿದ ಕಾರಣಕ್ಕಾಗಿ ಅವರನ್ನು ವಜಾಗೊಳಿಸಲಾಯಿತು. ಆದರೂ ನಾಯಕಿಯರು ಹೆಚ್ಚು ಬುದ್ಧಿವಂತರಾಗಿ ಧ್ವನಿಸುವಂತೆ ಮಾಡಲು, ಜೊತೆಗೆ ಹೆಚ್ಚು ಸ್ವತಂತ್ರ ವ್ಯಕ್ತಿತ್ವದವರಾಗಿ ಕಾಣಿಸಿಕೊಂಡು ಜಗತ್ತಿನಲ್ಲಿ ಒಳ್ಳೆಯದನ್ನು ಮಾಡಲು ಸಿಂಡ್ರೆಲಾದ ಅಂತ್ಯವನ್ನು ಬದಲಾಯಿಸಿದರು.


೧೯೭೩ ರಲ್ಲಿ, ಜನರಲ್ ಆಗಸ್ಟೊ ಪಿನೋಚೆಟ್ ನೇತೃತ್ವದ ದಂಗೆಯಲ್ಲಿ ಸಾಲ್ವಡಾರ್ ಅಲೆಂಡೆಯವರನ್ನು ಪದಚ್ಯುತಗೊಳಿಸಲಾಯಿತು.  ತಮ್ಮ ತಾಯಿ ಮತ್ತು ಮಲತಂದೆ ಹತ್ಯೆಯಾಗುವವರೆಗೂ ವಾಂಟೆಡ್ ಲಿಸ್ಟ್‌ನಿಂದ ಸ್ವಲ್ಪಮಟ್ಟಿಗೆ ತಪ್ಪಿಸಿಕೊಂಡು ಉಳಿದವರನ್ನೂ ಬಚಾವು ಮಾಡುತ್ತಿದ್ದ ಅಲೆಂಡೆ ನಂತರ ತಾವೇ ಸ್ವತಃ ವಾಂಟೆಂಡ್ ಲಿಸ್ಟ್‌ಗೆ ಸೇರಿದರು. ಅದೇ ಸಮಯದಲ್ಲಿ ಬರುತ್ತಿದ್ದ ಸಾವಿನ ಬೆದರಿಕೆಗಳಿಂದ ಅಂಜಿ ವೆನೆಜುವೆಲಾಕ್ಕೆ ಓಡಿಹೋದರು. ಅಲ್ಲಿ ೧೩ ವರ್ಷಗಳ ಕಾಲ ತಲೆಮರೆಸಿಕೊಂಡಿದ್ದ ಸಮಯದಲ್ಲಿ ಅಲೆಂಡೆ ತಮ್ಮ ಚೊಚ್ಚಲ ಕಾದಂಬರಿ ದಿ ಹೌಸ್ ಆಫ್ ದಿ ಸ್ಪಿರಿಟ್ಸ್ ಅನ್ನು ಬರೆದರು(೧೯೮೨) ಚಿಲಿಯಿಂದ ವಲಸೆ ಹೋಗಿದ್ದು ತಮ್ಮನ್ನು ಗಂಭೀರ ಬರಹಗಾರರನ್ನಾಗಿ ಮಾಡಿದೆ ಎಂದು ಅಲೆಂಡೆ ಹೇಳಿಕೊಂಡಿದ್ದಾರೆ. "ಚಿಲಿಯಲ್ಲಿ ಉಳಿದುಕೊಂಡಿದ್ದರೆ ಬರಹಗಾರಳಾಗುವುದು ನನಗೆ ಸಾಧ್ಯವಾಗುತ್ತೆಂದು ನನಗೆ ಅನ್ನಿಸುವುದಿಲ್ಲ. ಮನೆಕೆಲಸಗಳಲ್ಲಿ, ಕುಟುಂಬದಲ್ಲಿ, ಜನರು ನಿರೀಕ್ಷಿಸುವ ರೀತಿಗಳಲ್ಲಿ ಸಿಕ್ಕಿಹಾಕಿಕೊಳ್ಳುತ್ತಿದ್ದೆ. ಪಿತೃಪ್ರಭುತ್ವದ ಕುಟುಂಬದ ಹೆಣ್ಣಾಗಿರುವುದರಿಂದ  "ವಿಮೋಚನೆಗೊಂಡ" ವ್ಯಕ್ತಿಯಾಗಬೇಕೆಂದು ನಿರೀಕ್ಷಿಸಿರಲಿಲ್ಲ.' ಎಂದು ಅಲೆಂಡೆ ನಂಬಿದ್ದರು. ದಬ್ಬಾಳಿಕೆ ಮತ್ತು ವಿಮೋಚನೆಯ ಇತಿಹಾಸವು ವಿಷಯಾಧಾರಿತವಾಗಿ ಅವರ ಹೆಚ್ಚಿನ ಕಾದಂಬರಿಗಳಲ್ಲಿ ಕಂಡುಬರುತ್ತದೆ, ಅಲ್ಲಿ ಮಹಿಳೆಯರು ಪಿತೃಪ್ರಭುತ್ವದ ನಾಯಕರ ಆದರ್ಶಗಳನ್ನು ಪ್ರಶ್ನಿಸುತ್ತಾರೆ. ವೆನೆಜುವೆಲಾದಲ್ಲಿ ಅವರು ಪ್ರಮುಖ ರಾಷ್ಟ್ರೀಯ ಪತ್ರಿಕೆಯಾದ ಎಲ್ ನ್ಯಾಶನಲ್‌ಗೆ ಅಂಕಣಕಾರರಾಗಿದ್ದರು. ೧೯೭೮ರಲ್ಲಿ, ಅವರು ಮಿಗುಯೆಲ್ ಫ್ರಿಯಾಸ್‌ನಿಂದ ತಾತ್ಕಾಲಿಕವಾಗಿ ಪ್ರತ್ಯೇಕವಾಗಿ ವಾಸಿಸಲು ಪ್ರಾರಂಭಿಸಿದರು. ನಂತರ ಎರಡು ತಿಂಗಳ ಕಾಲ ಸ್ಪೇನ್‌ನಲ್ಲಿ ಉಳಿದು ನಂತರ ಪುನಃ ತಮ್ಮ ವೈವಾಹಿಕ ಜೀವನಕ್ಕೆ ಮರಳಿದಳು.

ಆದರೆ ೧೯೮೭ರಲ್ಲಿ ತಮ್ಮ ಪತಿ ಮಿಗುಯೆಲ್ ಫ್ರಿಯಾಸ್‌ರಿಗೆ ವಿಚ್ಛೇದನ ನೀಡಿದರು. ೧೯೮೮ರಲ್ಲಿ ಪುಸ್ತಕ ಪ್ರವಾಸದಲ್ಲಿ ಕ್ಯಾಲಿಫೋರ್ನಿಯಾಗೆ ಭೇಟಿ ನೀಡಿದಾಗ ಕ್ಯಾಲಿಫೋರ್ನಿಯಾದ ವಕೀಲ ಮತ್ತು ಕಾದಂಬರಿಕಾರ ವಿಲಿಯಂ ಸಿ. "ವಿಲ್ಲೀ" ಗಾರ್ಡನ್‌ರವರನ್ನು ಭೇಟಿಯಾದರು. ಅವರಿಬ್ಬರೂ ಜುಲೈ ೧೯೮೮ರಲ್ಲಿ ವಿವಾಹವಾದರು. ೧೯೯೪ರಲ್ಲಿ ಅವರಿಗೆ ಗೇಬ್ರಿಯೆಲಾ ಮಿಸ್ಟ್ರಲ್ ಆರ್ಡರ್ ಆಫ್ ಮೆರಿಟ್ ನೀಡಲಾಯಿತು, ಈ ಗೌರವವನ್ನು ಪಡೆದ ಮೊದಲ ಮಹಿಳೆ ಎಂಬ ಖ್ಯಾತಿ ಇವರದ್ದು.

         ಕ್ಯಾಲಿಫೋರ್ನಿಯಾದ ಸ್ಯಾನ್ ರಾಫೆಲ್‌ನಲ್ಲಿ ವಾಸಿಸುತ್ತಿರುವ ಅಲೆಂಡೆಯವರ ಕುಟುಂಬದ ಹೆಚ್ಚಿನವರು ಹತ್ತಿರದಲ್ಲೇ ವಾಸಿಸುತ್ತಿದ್ದಾರೆ, ಅವರ ಮಗ, ಅವನ ಎರಡನೇ ಹೆಂಡತಿ ಮತ್ತು  ಮೊಮ್ಮಕ್ಕಳೊಂದಿಗೆ ಬೆಟ್ಟದ ಕೆಳಗೆ ವಾಸಿಸುತ್ತಿರುವ ಅಲೆಂಡೆ ತಮ್ಮ ಎರಡನೆ ಪತಿ ಗಾರ್ಡನ್‌ರಿಂದ ಏಪ್ರಿಲ್ ೨೦೧೫ರಲ್ಲಿ ಬೇರೆಯಾಗಿದ್ದಾರೆ.

೨೦೦೬ ರಲ್ಲಿ ಇಟಲಿಯ ಟುರಿನ್‌ನಲ್ಲಿ ನಡೆದ ಚಳಿಗಾಲದ ಒಲಿಂಪಿಕ್ಸ್‌ನ ಉದ್ಘಾಟನಾ ಸಮಾರಂಭದಲ್ಲಿ ಎಂಟು ಧ್ವಜಧಾರಿಗಳಲ್ಲಿ ಒಬ್ಬರಾಗಿರುವ ಅಲೆಂಡೆ ೨೦೦೭ರಲ್ಲಿ ಟಾಕ್ ಟೇಲ್ಸ್ ಆಫ್ ಪ್ಯಾಶನ್ ಅನ್ನು ಪ್ರಸ್ತುತಪಡಿಸಿದ್ದಲ್ಲದೆ ೨೦೦೮ರಲ್ಲಿ ಸ್ಯಾನ್ ಫ್ರಾನ್ಸಿಸ್ಕೊದ ಸ್ಟೇಟ್ ಯೂನಿವರ್ಸಿಟಿಯಿಂದ ಗೌರವ ಡಾಕ್ಟರ್ ಆಫ್ ಹ್ಯೂಮನ್ ಲೆಟರ್ಸ್ ಅನ್ನು "ಸಾಹಿತ್ಯ ಕಲಾವಿದರಾಗಿ ಮತ್ತು ಮಾನವತಾವಾದಿಯಾಗಿ ವಿಶಿಷ್ಟ ಕೊಡುಗೆಗಳಿಗಾಗಿ" ಪಡೆದಿದ್ದಾರೆ. ೨೦೧೪ರಲ್ಲಿ ಸಾಹಿತ್ಯಕ್ಕೆ ನೀಡಿದ ಕೊಡುಗೆಗಳಿಗಾಗಿ ಹಾರ್ವರ್ಡ್ ವಿಶ್ವವಿದ್ಯಾಲಯದಿಂದ ಡಾಕ್ಟರ್ ಆಫ್ ಲೆಟರ್ಸ್ ಗೌರವ ಪದವಿಯನ್ನು ಪಡೆದಿದ್ದಾರೆ.

೨೦೧೯ರಲ್ಲಿ ಅವರು ನ್ಯೂಯಾರ್ಕ್‌ನ ವಕೀಲ ರೋಜರ್ ಕುಕ್ರಾಸ್ ಅವರನ್ನು ವಿವಾಹವಾದ ಅಲೆಂಡೆ ಅವರ ಕೆಲವು ಸಮಕಾಲೀನ ಬರಹಗಾರರಂತೆ ಬಹಿರಂಗವಾಗಿ ರಾಜಕೀಯವಲ್ಲದಿದ್ದರೂ ಡೊನಾಲ್ಡ್ ಟ್ರಂಪ್ ಮತ್ತು ೨೦೧೬ರಲ್ಲಿ ಅವರ ಚುನಾವಣೆಯ ನಂತರ ಅವರ ನೀತಿಗಳಿಗೆ ತಿರಸ್ಕಾರವನ್ನು ವ್ಯಕ್ತಪಡಿಸಿದರು. ೨೦೨೦ರ ಅಧ್ಯಕ್ಷೀಯ ಚುನಾವಣೆಯ ಸಮಯದಲ್ಲಿ ಡೆಮೋಕ್ರಾಟ್‌ನ ಜೋ ಬಿಡೆನ್ ಅವರನ್ನು ಅನುಮೋದಿಸಿದರು. ಆದರೂ ಅವರು ಸದಾ ತಮ್ಮ ತಂದೆಯ ಸೋದರಸಂಬಂಧಿ ಸಾಲ್ವಡಾರ್ ಅಲೆಂಡೆಯವರ ಆಡಳಿತವನ್ನು ಸಮರ್ಥಿಸಿಕೊಂಡಿದ್ದಾರೆ.

೯ ಡಿಸೆಂಬರ್ ೧೯೯೬ರಂದು ಪೋರ್ಫೈರಿಯಾ ಕಾಯಿಲೆಯಿಂದಾಗಿ ಆಸ್ಪತ್ರೆ ಸೇರಿದ ನಂತರ ಕೋಮಾ ತಲುಪಿ ೧೯೯೨ರಲ್ಲಿ ನಿಧನರಾದಾಗ ೨೯ ವರ್ಷ ವಯಸ್ಸಿನವರಾಗಿದ್ದ ಮಗಳು ಪೌಲಾ ಫ್ರಿಯಾಸ್ ಅಲೆಂಡೆ ಅವರ ಗೌರವಾರ್ಥವಾಗಿ ಇಸಾಬೆಲ್ ಅಲೆಂಡೆ ಫೌಂಡೇಶನ್ ಅನ್ನು ಪ್ರಾರಂಭಿಸಿದರು. ಪ್ರತಿಷ್ಠಾನವು "ಮಹಿಳೆಯರು ಮತ್ತು ಮಕ್ಕಳ ಮೂಲಭೂತ ಹಕ್ಕುಗಳನ್ನು ಉತ್ತೇಜಿಸುವ ಮತ್ತು ಸಂರಕ್ಷಿಸುವ ಕಾರ್ಯಕ್ರಮಗಳನ್ನು ಬೆಂಬಲಿಸಲು ಹುಟ್ಟಿಕೊಂಡ ಸಂಸ್ಥೆಯಾಗಿದೆ.

೧೯೬೭ರಿಂದ ಅಲೆಂಡೆ ಅವರು ಪೌಲಾ ನಿಯತಕಾಲಿಕೆಗೆ ಹಾಗೂ  ಮಕ್ಕಳ ನಿಯತಕಾಲಿಕವಾದ ಮಂಪಾಟೊಗೆ ೧೯೬೯ರಿಂದ ೧೯೭೪ರವರೆಗೆ ಸಂಪಾದಕೀಯ ಸಿಬ್ಬಂದಿಯಲ್ಲಿದ್ದು ನಂತರ ಸಂಪಾದಕರಾದರು. "ಲಾ ಅಬುಯೆಲಾ ಪಂಚಿತಾ" ಮತ್ತು "ಲೌಚಾಸ್ ವೈ ಲೌಚೋನ್ಸ್" ಎಂಬ ಎರಡು ಮಕ್ಕಳ ಕಥೆಗಳನ್ನು ಪ್ರಕಟಿಸಿದರು, ಜೊತೆಗೆ ಸಿವಿಲಿಸ್ ಎ ಸು ಟ್ರೋಗ್ಲೋಡಿಟಾ ಎಂಬ ಲೇಖನಗಳ ಸಂಗ್ರಹವನ್ನು ಪ್ರಕಟಿಸಿದರು. ೧೯೭೦ರಿಂದ ೧೯೭೪ರವರೆಗೆ ಚಾನೆಲ್ ೭ ಮತ್ತು ೧೩ ಗಾಗಿ ಚಿಲಿಯ ದೂರದರ್ಶನ ಕಾರ್‍ಯಕ್ರಮಗಳ ನಿರ್ಮಾಣದಲ್ಲಿ ಕೆಲಸ ಮಾಡಿದರು. ಪತ್ರಕರ್ತೆಯಾಗಿ, ಅವರು ಒಮ್ಮೆ ಕವಿ ಪಾಬ್ಲೋ ನೆರುಡಾ ಅವರೊಂದಿಗೆ ಸಂದರ್ಶನವನ್ನು ಬಯಸಿದರು . ನೆರುಡಾ ಸಂದರ್ಶನಕ್ಕೆ ಒಪ್ಪಿಕೊಂಡರು.    ಪತ್ರಕರ್ತರಾಗಿರುವುದಕ್ಕಿಂತ ತುಂಬಾ ಕಲ್ಪನೆಯನ್ನು ಹೊಂದಿರುವುದರಿಂದಕಾದಂಬರಿಕಾರರಾಗಬೇಕೆಂದು ಹೇಳಿದರು. ಅವರ ವಿಡಂಬನಾತ್ಮಕ ಅಂಕಣಗಳನ್ನು ಪುಸ್ತಕ ರೂಪದಲ್ಲಿ ಸಂಕಲಿಸಲು ಸಲಹೆ ನೀಡಿದರು. ಇದು ಅವರ ಮೊದಲ ಪ್ರಕಟಿತ ಪುಸ್ತಕವಾಯಿತು. ೧೯೭೩ ರಲ್ಲಿ , ದಂಗೆಯಿಂದಾಗಿ ದೇಶದಿಂದ ಪಲಾಯನ ಮಾಡುವ ಕೆಲವು ತಿಂಗಳುಗಳ ಮೊದಲು ಅಲೆಂಡೆಯವರ ಎಲ್ ಎಂಬಾಜಡೋರ್ ನಾಟಕವನ್ನು ಸ್ಯಾಂಟಿಯಾಗೊದಲ್ಲಿ ಆಡಲಾಯಿತು.

ವೆನೆಜುವೆಲಾದಲ್ಲಿರುವ ಸಮಯದಲ್ಲಿ ೧೯೭೬ರಿಂದ ೧೯೮೩ರವರೆಗೆ ಕ್ಯಾರಕಾಸ್‌ನಲ್ಲಿ ಎಲ್ ನ್ಯಾಶನಲ್‌ಗೆ ಸ್ವತಂತ್ರ ಪತ್ರಕರ್ತರಾಗಿದ್ದರು ಮತ್ತು ೧೯೭೯ರಿಂದ ೧೯೮೩ರವರೆಗೆ ಕ್ಯಾರಕಾಸ್‌ನ ಮಾರೊಕೊ ಶಾಲೆಯ ನಿರ್ವಾಹಕರಾಗಿದ್ದರು .

೧೯೮೧ ರಲ್ಲಿ, ಕ್ಯಾರಕಾಸ್‌ನಲ್ಲಿದ್ದಾಗ, ಅಲೆಂಡೆ ತಮ್ಮ ೯೯ ವರ್ಷದ ಅಜ್ಜ ಮರಣದ ಸಮೀಪದಲ್ಲಿದ್ದಾರೆ ಎಂಬ ಫೋನ್ ಕರೆಯನ್ನು ಸ್ವೀಕರಿಸಿದ ನಂತರ ಅವನಿಗೆ ಪತ್ರ ಬರೆಯಲು ಬಯಸಿ ಆ ಮೂಲಕ "ಅವನನ್ನು ಕನಿಷ್ಠ ಆತ್ಮದಲ್ಲಿ ಜೀವಂತವಾಗಿಡಲು" ಆಶಿಸಿದರು. ಪತ್ರವು ದಿ ಹೌಸ್ ಆಫ್ ದಿ ಸ್ಪಿರಿಟ್ಸ್ (೧೯೮೨) ಎಂಬ ಪುಸ್ತಕವಾಯಿತು. 

ಈ ಪುಸ್ತಕವು ಪಿನೋಚೆಟ್ ಸರ್ವಾಧಿಕಾರದ ಭೂತಗಳನ್ನು ಹೊರಹಾಕುವ ಉದ್ದೇಶವನ್ನು ಹೊಂದಿತ್ತು. ಈ ಪುಸ್ತಕವನ್ನು ಹಲವಾರು ಲ್ಯಾಟಿನ್ ಅಮೇರಿಕನ್ ಪ್ರಕಾಶಕರು ತಿರಸ್ಕರಿಸಿದರು, ಆದರೆ ಅಂತಿಮವಾಗಿ ಬ್ಯೂನಸ್ ಐರಿಸ್‌ನಲ್ಲಿ ಪ್ರಕಟಿಸಲಾಯಿತು. ಪುಸ್ತಕವು ಶೀಘ್ರದಲ್ಲೇ ಸ್ಪ್ಯಾನಿಷ್‌ನಲ್ಲಿ ಎರಡು ಡಜನ್‌ಗಿಂತಲೂ ಹೆಚ್ಚು ಆವೃತ್ತಿಗಳಲ್ಲಿ ಪ್ರಕಟಗೊಂಡಿತು. ಹಲವಾರು ಭಾಷೆಗಳಿಗೆ ಅನುವಾದಿಸಲಾಯಿತು. ಮ್ಯಾಜಿಕಲ್ ರಿಯಲಿಸಂ ಎಂದು ಕರೆಯಲ್ಪಡುವ ಶೈಲಿಯಲ್ಲಿ ಲೇಖಕರಾಗಿ ಅಲೆಂಡೆಯವರನ್ನು ಗೇಬ್ರಿಯಲ್ ಗಾರ್ಸಿಯಾ ಮಾರ್ಕ್ವೆಜ್‌ಗೆ ಹೋಲಿಸಲಾಗಿದೆ .

ಅಲೆಂಡೆಯವರನ್ನು ಮಾಂತ್ರಿಕ ವಾಸ್ತವಿಕತೆಯ ಅಭ್ಯಾಸಿ ಎಂದು ಉಲ್ಲೇಖಿಸಲಾಗಿದ್ದರೂ, ಅವರ ಕೃತಿಗಳು ಬೂಮ್ ನಂತರದ ಸಾಹಿತ್ಯದ ಅಂಶಗಳನ್ನು ಸಹ ಪ್ರದರ್ಶಿಸುತ್ತವೆ. ಅಲೆಂಡೆ ತುಂಬಾ ಕಟ್ಟುನಿಟ್ಟಾದ ಬರವಣಿಗೆಯ ದಿನಚರಿಯನ್ನು ಸಹ ಹೊಂದಿದ್ದಾರೆ. ಅವರು ಕಂಪ್ಯೂಟರ್‌ನಲ್ಲಿ ಬರೆಯುತ್ತಾರೆ. ಸೋಮವಾರದಿಂದ ಶನಿವಾರದವರೆಗೆ ೦೯:೦೦ ರಿಂದ ೧೯:೦೦ ರವರೆಗೆ ಕೆಲಸ ಮಾಡುತ್ತಾರೆ "ನಾನು ಯಾವಾಗಲೂ ಜನವರಿ ೮ರಂದು ಪ್ರಾರಂಭಿಸುತ್ತೇನೆ" ಎಂದು ಅಲೆಂಡೆ ಹೇಳಿದ್ದಾರೆ.
    

    ಅಲೆಂಡೆಯವರ ಪುಸ್ತಕ ಪೌಲಾ (೧೯೯೫) ಸ್ಯಾಂಟಿಯಾಗೊದಲ್ಲಿನ ಅವರ ಬಾಲ್ಯದ ನೆನಪು ಮತ್ತು ಅವರು ದೇಶಭ್ರಷ್ಟರಾಗಿ ಕಳೆದ ವರ್ಷಗಳ ಕುರಿತಾಗಿ ಇದೆ. ತಮ್ಮ ಮಗಳಿಗೆ ಬರೆದ ಕಳವಳದ ಪತ್ರ ಇದಾಗಿದೆ. ೧೯೯೧ರಲ್ಲಿ ಪೌಲಾಳ ಔಷಧಿಯಲ್ಲಿನ ದೋಷವು ಮಿದುಳಿಗೆ ತೀವ್ರವಾದ ಹಾನಿಯನ್ನುಂಟುಮಾಡಿತು. ಅವಳನ್ನು ನಿರಂತರ ನಿಸ್ಸಹಾಯಕ ಸ್ಥಿತಿಯಲ್ಲಿಟ್ಟಿತು. ಆಸ್ಪತ್ರೆಯಲ್ಲಿ ನಡೆದ ಈ ಅಪಘಾತವು ಮಿದುಳಿಗೆ ಹಾನಿಯನ್ನುಂಟುಮಾಡಿದೆ ಎಂದು ತಿಳಿಯುವ ಮೊದಲು ಅಲೆಂಡೆ ಪೌಲಾ ಅವರ ಹಾಸಿಗೆಯ ಪಕ್ಕದಲ್ಲಿ ತಿಂಗಳುಗಳನ್ನು ಕಳೆದರು. ಅಲೆಂಡೆ ಪೌಲಾ ಅವರನ್ನು ಕ್ಯಾಲಿಫೋರ್ನಿಯಾದ ಆಸ್ಪತ್ರೆಗೆ ಸ್ಥಳಾಂತರಿಸಿದರು, ಅಲ್ಲಿ ಅವರು ೬ ಡಿಸೆಂಬರ್ ೧೯೯೨ ರಂದು ನಿಧನರಾದರು. ಆ ಸಮಯದಲ್ಲಿ ಪೌಲಾರವರಿಗೆ ಬರೆದ ಪತ್ರಗಳಿವು.

ಅಲೆಂಡೆಯವರ ಕಾದಂಬರಿಗಳನ್ನು ೪೦ ಕ್ಕೂ ಹೆಚ್ಚು ಭಾಷೆಗಳಿಗೆ ಅನುವಾದಿಸಲಾಗಿದೆ ಮತ್ತು ಸುಮಾರು ೭೪ ಮಿಲಿಯನ್ ಪ್ರತಿಗಳು ಮಾರಾಟವಾಗಿವೆ. ಅವರು ೨೦೦೮ರಲ್ಲಿ ಬರೆದ ಪುಸ್ತಕ, ದಿ ಸಮ್ ಆಫ್ ಅವರ್ ಡೇಸ್ , ಒಂದು ಸ್ಮರಣ ಸಂಚಿಕೆಯಾಗಿದೆ.

 ಇದನ್ನು ತಮ್ಮ ಕುಟುಂಬದೊಂದಿಗೆ ಕಳೆದ ಸಮಯ ಹಾಗೂ ತಮ್ಮ ಜೀವನದ ಮೇಲೆ ಕೇಂದ್ರೀಕರಿಸಿ ಬರೆದಿದ್ದಾರೆ. ಇದರಲ್ಲಿ ಅವರ ಬೆಳೆದ ಮಗ ನಿಕೋಲಸ್ ಇದ್ದಾರೆ, ಎರಡನೇ ಪತಿ, ವಿಲಿಯಂ ಗಾರ್ಡನ್; ಮತ್ತು ಹಲವಾರು ಮೊಮ್ಮಕ್ಕಳ ಕುರಿತಾಗಿ ಪ್ರಸ್ತಾಪಿಸಿದ್ದಾರೆ. ನ್ಯೂ ಓರ್ಲಿಯನ್ಸ್, ಐಲ್ಯಾಂಡ್ ಬಿನೀತ್ ದಿ ಸೀ , ೨೦೧೦ ರಲ್ಲಿ ಪ್ರಕಟವಾದ ಒಂದು ಕಾದಂಬರಿ . ೨೦೧೧ ರಲ್ಲಿ ಎಲ್ ಕ್ಯುಡೆರ್ನೊ ಡಿ ಮಾಯಾ ( ಮಾಯಾಸ್ ನೋಟ್‌ಬುಕ್) ಪ್ರಕಟಿಸಿದರು.

ಲ್ಯಾಟಿನೋ ಲೀಡರ್ಸ್ ಮ್ಯಾಗಜೀನ್ ಅವರನ್ನು "ಸಾಹಿತ್ಯದ ದಂತಕಥೆ" ಎಂದು ೨೦೦೭ರ ಲೇಖನದಲ್ಲಿ ಕರೆದಿದೆ. ವಿಶ್ವದ ಮೂರನೇ ಅತ್ಯಂತ ಪ್ರಭಾವಶಾಲಿ ಲ್ಯಾಟಿನೋ ನಾಯಕಿ ಎಂದು ಹೆಸರಿಸಿದೆ.

ಅದೇ ಸಮಯಕ್ಕೆ ಅವರ ಕೆಲಸವು ಕೆಲವು ನಕಾರಾತ್ಮಕ ಟೀಕೆಗಳನ್ನೂ ಹೊಂದಿವೆ. ಎಂಟ್ರೆ ಪ್ಯಾರೆಂಟೆಸಿಸ್‌ನಲ್ಲಿ ಪ್ರಕಟವಾದ ಲೇಖನವೊಂದರಲ್ಲಿ , ರಾಬರ್ಟೊ ಬೊಲಾನೊರವರು ಅಲೆಂಡೆ ಅವರ ಸಾಹಿತ್ಯವನ್ನು ರಕ್ತಹೀನತೆ ಎಂದು ಕರೆದಿದ್ದಾರೆ. ಅದನ್ನು "ಮರಣಶಯ್ಯೆಯಲ್ಲಿರುವ ವ್ಯಕ್ತಿ" ಗೆ ಹೋಲಿಸಿದ್ದಾರೆ. ಅವರನ್ನು "ಬರವಣಿಗೆ ಯಂತ್ರವಲ್ಲ, ಬರಹಗಾರ ಮಾಡಬೇಕು ಎಂದು ಹೀಗಳೆದಿದ್ದಾರೆ. ಸಾಹಿತ್ಯ ವಿಮರ್ಶಕ ಹೆರಾಲ್ಡ್ ಬ್ಲೂಮ್ , ಅಲೆಂಡೆ ಕೇವಲ "ನಿರ್ಧರಿತ ಅವಧಿಯನ್ನು ಪ್ರತಿಬಿಂಬಿಸುತ್ತಾರೆ ಮತ್ತು ನಂತರ ಎಲ್ಲರೂ ಅವಳನ್ನು ಮರೆತುಬಿಡುತ್ತಾರೆ" ಎಂದು ಹೇಳಿದ್ದಾರೆ. ಕಾದಂಬರಿಕಾರ ಗೊಂಜಾಲೊ ಕಾಂಟ್ರೆರಾಸ್ "ಅವಳು ಒಂದು ಗಂಭೀರವಾದ ತಪ್ಪನ್ನು ಮಾಡುತ್ತಾಳೆ, ವಾಣಿಜ್ಯ ಯಶಸ್ಸನ್ನು ಸಾಹಿತ್ಯಿಕ ಗುಣಮಟ್ಟದೊಂದಿಗೆ ಗೊಂದಲಗೊಳಿಸುತ್ತಾಳೆ" ಎಂದು ಆಪಾದಿಸಿದ್ದಾರೆ.

ಆದರೆ ಅಲೆಂಡೆಯವರು ಎಲ್ ಕ್ಲಾರಿನ್‌ಗೆ ಚಿಲಿಯಲ್ಲಿ ಯಾವಾಗಲೂ ಉತ್ತಮ ವಿಮರ್ಶೆಗಳನ್ನು ಬರೆದಿಲ್ಲ ಎಂದು ಹೇಳಿದ್ದಾರಲ್ಲದೆ ಚಿಲಿಯ ಬುದ್ಧಿಜೀವಿಗಳು ಅವಳನ್ನು "ಹೇಸುತ್ತಾರೆ" ಎಂದು ಹೇಳಿ ಈ ಮೌಲ್ಯಮಾಪನಗಳನ್ನು ಒಪ್ಪುವುದಿಲ್ಲವೆಂದು ತಿರಸ್ಕರಿಸಿದ್ದಾರೆ.

'ನೀವು ಬಹಳಷ್ಟು ಪುಸ್ತಕಗಳನ್ನು ಮಾರಾಟ ಮಾಡುವಾಗ ನೀವು ಗಂಭೀರ ಬರಹಗಾರರಲ್ಲ ಎಂದು ಭಾವಿಸುವುದು ಓದುಗರಿಗೆ ಮಾಡುವ ದೊಡ್ಡ ಅವಮಾನವಾಗಿದೆ. ಇಂತಹ ಮಾತುಗಳನ್ನು ಹೇಳಲು ಪ್ರಯತ್ನಿಸಿದಾಗ ನನಗೆ ಸ್ವಲ್ಪ ಕೋಪ ಬರುತ್ತದೆ. ಲ್ಯಾಟಿನ್ ಅಮೇರಿಕನ್ ಅಧ್ಯಯನಗಳ ಪ್ರಾಧ್ಯಾಪಕರೊಬ್ಬರು ನನ್ನ ಕೊನೆಯ ಪುಸ್ತಕದ ವಿಮರ್ಶೆಯನ್ನು ಅಮೆರಿಕನ್ ಪತ್ರಿಕೆಯಲ್ಲಿ ಬರೆದಿದ್ದಾರೆ ಮತ್ತು ನಾನು ಬಹಳಷ್ಟು ಪುಸ್ತಕಗಳನ್ನು ಮಾರಾಟ ಮಾಡಿದ್ದೇನೆ ಎಂಬ ಏಕೈಕ ಕಾರಣಕ್ಕಾಗಿ ಅವರು ನನ್ನ ಮೇಲೆ ವೈಯಕ್ತಿಕವಾಗಿ ದಾಳಿ ಮಾಡಿದ್ದಾರೆ ಅದು ಅಕ್ಷಮ್ಯ.' ಎಂದು ಅಲೆಂಡೆ ವಾದಿಸುತ್ತಾರೆ.

ಆದಾಗ್ಯೂ "ಲ್ಯಾಟಿನ್ ಅಮೇರಿಕನ್ ಮತ್ತು ವಿಶ್ವ ಸಾಹಿತ್ಯದ ಮೇಲೆ ಅಲೆಂಡೆಯ ಪ್ರಭಾವವನ್ನು ಅತಿಯಾಗಿ ಅಂದಾಜು ಮಾಡಲಾಗುವುದಿಲ್ಲ" ಎಂದು ಹೇಳಲಾಗಿದೆ. ಲಾಸ್ ಏಂಜಲೀಸ್ ಟೈಮ್ಸ್ ಅಲೆಂಡೆಯವರನ್ನು "ಪ್ರತಿಭೆ" ಎಂದು ಕರೆದಿದೆ. ಅವರು "ವಿಶ್ವದ ಸೌಂದರ್ಯಕ್ಕೆ ಕೊಡುಗೆ ನೀಡಿದ" ಬರಹಗಾರರಿಗೆ ನೀಡಲಾಗುವ ಡೊರೊಥಿ ಮತ್ತು ಲಿಲಿಯನ್ ಗಿಶ್ ಪ್ರಶಸ್ತಿಯನ್ನು ಒಳಗೊಂಡಂತೆ ಅನೇಕ ಅಂತರರಾಷ್ಟ್ರೀಯ ಪ್ರಶಸ್ತಿಗಳನ್ನು ಪಡೆದಿದ್ದಾರೆ.

lokadhwani - https://lokadhwani.com/ArticlePage/APpage.php?edn=Main&articleid=LOKWNI_MAI_20221007_4_6