ಬಿಸಿ ಚಹಾ 16/12/2016

*ಬಿಸಿ ಚಹಾ*

ನಿನ್ನ ಮೌನವನ್ನು ನಾನು
ತೀವೃವಾಗಿ ದ್ವೇಷಿಸುತ್ತೇನೆ
ಎಂಬುದು ನಿನಗೆ ಗೊತ್ತಿದ್ದರೂ
ಮೌನದ ಕೋಟೆಯ ಬಾಗಿಲು
ತೆರೆಯದ ನಿನಗಾಗಿ ಬಿಸಿ ಚಹಾದ
ಬಟ್ಟಲು ಹಿಡಿದು ಕಾದಿದ್ದೇನೆ.

ನೀನು ಕುಡಿವ ಮೊದಲೇ
ರುಚಿ ನೋಡುವ ನೆಪದಲ್ಲಿ
ಒಂದೇ ಒಂದು ಗುಟುಕು ಹೀರಿ
ತುಟಿ ಚುರ್ ಎನಿಸಿಕೊಂಡಿದ್ದೇನೆ

ಕುಡಿದು ಬಿಡು ಒಂದು ಗುಟುಕು
ನನ್ನ ತುಟಿಯ ಮಧುರತೆಯಾದರೂ
ನಿನ್ನ ಮೌನವನ್ನು ಕರಗಿಸಲಿ

ಹದವಾದ ಬಿಸಿಯ ಸ್ವಾದವನ್ನು
ಆಸ್ವಾದಿಸಿದ ನಂತರವಾದರೂ
ನಿನ್ನ ತುಟಿ ಉಸುರ ಬಹುದಾದ
ಸಿರಿ ಎಂಬ ನವಿರೇಳಿಸುವ ಶಬ್ಧಕ್ಕಾಗಿ
ತಲಬಾಗಿಲಲ್ಲೇ ಕಾದು ನಿಂತಿದ್ದೇನೆ

..ಸಿರಿ  🌞 (16/12/2016)

ಶುಭ ಮುಂಜಾವು