ಬಿಸಿ ಚಹಾ 17/12/2016

*ಬಿಸಿಚಹಾ*
ಸರಿ ಬಿಡು,
ನಿನ್ನ ಮೌನ ಯಾತ್ರೆ
ಹೀಗೆಯೇ ಮುಂದುವರೆಯಲಿ
ನಾನು ಕಾಯುತ್ತೇನೆ
ಬಿಸಿ ಚಹಾದ ಲೋಟ ಹಿಡಿದು

ನನಗೆ ಗೊತ್ತಿದೆ
ಬಿಸಿ ಚಹಾದ ನೆಪದಲ್ಲಾದರೂ
ನೀನು ಬಂದೇ ಬರುತ್ತೀಯೆಂಬ ಸತ್ಯ

ಬಂದವನು ಎದುರು ಕುಳಿತು
ಮಾತನಾಡದೇ ಹಬೆಯನ್ನೇ
ದಿಟ್ಟಿಸುತ್ತ ನಿಟ್ಟುಸಿರಿಟ್ಟೆಯೆಂದರೆ
ನೀನು ಸಂಧಾನಕ್ಕೆ ಸಿದ್ಧವೆಂದೇ ಅರ್ಥ

ನಿನ್ನ ಹೆಗಲ ಮೇಲೆ ಹಗುರಾಗಿ
ನನ್ನ ಮೃದುವಾದ ಅಂಗೈ ಇರಿಸಿ
ಹಿಂಬದಿಯಿಂದ ನಿನ್ನ ಕೊರಳು ಬಳಸಿ
ನಾನು ಅನುಸಂಧಾನ ಮಾಡಿದರೆ ಅಲ್ಲಿಗೆ ಮೌನದ ಅಧ್ಯಾಯವೊಂದು
ಸುಖಾಂತ್ಯದ ತೆರೆ ಕಾಣುತ್ತದೆ

ತಾಸರ್ಧದ ನಂತರ ಕುಡಿದ
ತಂಪು ಚಹಾಕ್ಕೆ ಇಂದು
ಎಂದೂ ಕಾಣದ ಅದ್ಭುತ ಸ್ವಾದ
*ಸಿರಿ* 🌞 (17/12/2016)

ಶುಭ ಮುಂಜಾನೆ